પંચસૂત્ર વિમર્શ 04

પંચસૂત્ર શ્રીહરિભદ્રસૂરિજી મહારાજ દ્વારા રચિત આધ્યાત્મિક માર્ગદર્શન કરાવતાં પાંચ સૂત્રોનો સમૂહ એટલે 'પંચસૂત્ર'. આમાં ક્રમશઃ આ વાતો પર વિચાર કરવામાં આવ્યો છે: પાપવૃત્તિનો નાશ અને પાત્રતા: જીવનમાં પાપવૃત્તિનો નાશ કેવી રીતે કરી શકાય અને ગુણો પ્રાપ્ત કરવાની પાત્રતા કેવી રીતે કેળવી શકાય. શ્રાવકનું જીવન: શ્રાવક પોતાનું જીવન કેવી સદ્ભાવના અને પ્રતિજ્ઞાઓ સાથે પસાર કરે. સંયમની તૈયારી: સંયમજીવન ગ્રહણ કરવાની ઇચ્છાવાળો શ્રાવક એની તૈયારી કેવી રીતે કરે. મુનિજીવન: મુનિજીવનની ચર્યા, ભાવના અને શૈલી કેવી હોય. મોક્ષનું સુખ: મોક્ષજીવનનું સુખ કેવું હોય છે. આ પાંચે સૂત્રોના અધ્યયન દ્વારા જીવનમાં સહજ રીતે જ આધ્યાત્મિકતા કેળવાતી જાય છે. અહીં આ પાંચે સૂત્રોનું રહસ્ય સમજાવતાં પ્રવચનો રજૂ થયાં છે.